 E BAZA Po milaj 2005 lije o Eduard Freudmann thaj o Can Gülcü te ćeren redovno vizite ande Gazela. Von sesa maj but droma ando Beogrado pe majlungo vrama thaj ćidinde materijalo pala kaja knjiga ži po gor le bršesko 2007. Maj anglal katar pire investigacije von ćerde intervjuura političarjonca, naučnikonca, reprezentantonca katar ažutimaske organizacije thaj reprezentantonca katar Rromenge organizacije. Gadala investigacije dije len jek precizno patreto katar godola strukture thaj mehanizmurja, save spiden e Srbijake Rromen po avrutno agor e societetako, numa khanči či sikade katar e Beogradoske slamura vaj katar e Gazela. Odolaći thode von o fokuso pe vizite katar e cara. Kote ćerde buhle diskusije e manušenca, save trajin kote. E konverzacije lenca si e baza katar kaja knjiga.  E patretura ande kaja knjiga, ćerde pe jek rig e manuša, save bešen ande cara, jeftinone fotoaparatonca, save hasnin pe numa jek drom, pe aver rig ćerde len profesionalne fotografura/fotografkinje, save ses interesuime pe cara, kana sas von ando Beogrado: Claudio Burato, Danica Dimitraški, Heidrun Henke, Gojko Ibišević, Miroslav Jašarević, Milica Memišević, Felix-Søren Meyer und Mića Talipović. |
![info [at] beogradgazela [dot] net](images/email_txt.gif){kind=small}